კატეგორიები

ლირას ტიპის მოლბერტები

H კონსტრუქციის მოლბერტები

მაგიდის მოლბერტები

სტუდიის მოწყობილობები

სახატავი ზედაპირები

ცარცის დაფები

სხვადასხვა პროდუქცია

ჩვენ შესახებ

Mount Hill არის სახელოვნებო მოწყობილობების ქართული საწარმო, რომელიც 2011 წელს შეიქმნა საქართველოში. ჩვენი პროდუქცია განკუთვნილია როგორც მოყვარულებისთვის, ასევე პროფესიონალებისა და სტუდიებისთვის. ნაწარმი გამოირჩევა მაღალი ტექნიკური მახასიათებლებით, სიმყარით, დახვეწილი დიზაინითა და საიმედო გარანტიით. პროდუქციის მუდმივად განახლებადი და მზარდი ასორტიმენტი მომხმარებელს სთავაზობს ფართო არჩევანს, ხოლო ჩვენთვის განვითარების უწყვეტ პროცესს წარმოადგენს

ჩვენი პროდუქციის შესახებ

მოლბერტები დამზადებულია მაღალი ხარისხის წიფელის ხისგან, რაც მათ სიმყარესა და გამძლეობას უზრუნველყოფს.

ზედაპირი დამუშავებულია და დაფარულია გამჭვირვალე მქრქალი ლაქით, რაც ინარჩუნებს ხის ბუნებრივ სილამაზეს. ტილოს საყრდენი მექანიზმები სრულად რეგულირდება და მარტივად გადაადგილდება, ხოლო მეტალის ფიქსატორები უზრუნველყოფს სტაბილურ პოზიციას.

საგარანტიო პირობები

თუ პროდუქტს აღმოაჩნდება დეფექტი, რომელიც გამოწვეულია მასალის ან წარმოების პროცესში დაშვებული ხარვეზით და არ შეესაბამება Mount Hill-ის ხარისხის სტანდარტებს, კომპანია უზრუნველყოფს პროდუქტის შეკეთებას ან ჩანაცვლებას ახლით.

როგორ ავირჩიოთ მოლბერტი

მოლბერტის არჩევისას, გაითვალისწინეთ რამდენიმე მნიშვნელოვანი ფაქტორი. სწორი არჩევანი დაგეხმარებათ კომფორტულად იმუშაოთ და მიიღოთ უკეთესი შედეგი.

ნამუშევრის ზომა

მოლბერტი კარგად უნდა ერგებოდეს თქვენი ნამუშევრის ზომას. თუ პატარა ტილოებზე მუშაობთ, შეიძლება საკმარისი იყოს მაგიდის მოლბერტი. შედარებით დიდი ტილოებისთვის დაგჭირდებათ იატაკზე დასადგამი მოლბერტი, რომელიც შეესაბამება ნამუშევრის წონასა და ზომას.

სიმყარე

კარგი მოლბერტი უნდა უზრუნველყოფდეს სტაბილურ საყრდენს თქვენი ნამუშევრისთვის. დარწმუნდით, რომ მოლბერტი არის მტკიცე და კარგად აწყობილი, განსაკუთრებით თუ მძიმე ან დიდ ტილოებზე მუშაობთ. ყურადღება მიაქციეთ რეგულირებად სიმაღლეს, დახრის მექანიზმებს და საყრდენის სიგანეს.

მედიუმის ტიპი

სამხატვრო მოლბერტი მისი მახასიათებლების მიხედვით განკუთვნილია შესაბამისი ტიპის მედიუმისთვის. გაითვალისწინეთ საღებავის ტიპი და ხატვის ტექნიკა. მაგალითად, აკვარელისთვის სასარგებლოა მოლბერტი, რომელსაც შეუძლია ზედაპირის ჰორიზონტალურ მდგომარეობაში დაფიქსირება. პასტელისთვის მნიშვნელოვანია ვერტიკალური ან უარყოფითი კუთხით დახრის შესაძლებლობა, ხოლო ზეთის საღებავებით ხატვისას სასარგებლოა კუთხის რეგულირება სინათლის უკეთ სამართავად.

მოქნილობა

თუ მუშაობთ დეტალურ ნახატებზე, შეარჩიეთ მოლბერტი, რომელიც საშუალებას მოგცემთ მარტივად დაარეგულიროთ ტილოს კუთხე და სიმაღლე. ეს დაგეხმარებათ კომფორტულად მიუდგეთ ნამუშევრის სხვადასხვა მონაკვეთს.

პორტატულობა

თუ გეგმავთ მოლბერტის ხშირად გადაადგილებას ან სხვადასხვა ადგილას მუშაობას, აირჩიეთ პორტატული მოლბერტი, რომელიც მსუბუქი და ადვილად ტრანსპორტირებადია. სასარგებლოა დასაკეცი ფეხები და კომპაქტური დიზაინი.

პირადი შეხედულება

საბოლოოდ, აირჩიეთ მოლბერტი, რომელიც შეესაბამება თქვენს სამუშაო სტილსა და მიზნებს. გაითვალისწინეთ მოლბერტის სიმაღლე, ტილოს საყრდენის ტიპი და დამატებითი ფუნქციები, რომლებიც ხატვის პროცესს უფრო კომფორტულს გახდის.

რა განასხვავებს სამხატვრო მოლბერტს საპრეზენტაციოსგან

სამხატვრო მოლბერტს, ტილოს უძრავ მდგომარეობაში დასაფიქსირებლად, როგორც წესი, აქვს ორი საყრდენი — ზედა და ქვედა. საპრეზენტაციო მოლბერტს შეიძლება ჰქონდეს მხოლოდ ერთი, ქვედა საყრდენი. თუ პრეზენტაცია ღია ცის ქვეშ ტარდება, სასურველია მოლბერტს ჰქონდეს ორი დამჭერი, რათა ქარმა არ გადმოაგდოს ზედ მოთავსებული საგანი.

ყველა მოლბერტის ნახვა

ფერების შერევის მარტივი წესი

ძირითადი ფერები (წითელი, ლურჯი, ყვითელი) ერთმანეთთან შერევით ქმნიან ახალ ფერებს. ეს ცოდნა განსაკუთრებით სასარგებლოა მოლბერტზე მუშაობისას.

• წითელი + ყვითელი = ნარინჯისფერი
• ლურჯი + ყვითელი = მწვანე
• წითელი + ლურჯი = იისფერი

სწორი ფერების შერჩევა და შერევა დაგეხმარებათ უფრო ხარისხიანი და ცოცხალი ნამუშევრების შექმნაში.

ტილოს სწორი პოზიცია

მოლბერტზე მუშაობისას ტილო უმჯობესია თვალის დონესთან ახლოს იყოს. ეს ამცირებს დაღლას და მუშაობას უფრო კომფორტულს ხდის.

• ტილოს ცენტრი მოაქციეთ თვალის დონესთან ახლოს
• დიდი ტილო ოდნავ დახარეთ უკან
• იმუშავეთ ისე, რომ ხელი თავისუფლად მოძრაობდეს

იხილეთ მოლბერტები და შეარჩიეთ თქვენთვის შესაფერისი მოდელი.

სწორი განათება ხატვისთვის

კარგი განათება აუცილებელია, რომ ფერები და ტონები სწორად დაინახოთ. ბუნებრივი სინათლე საუკეთესოა, თუმცა ხელოვნურიც ეფექტურია, თუ სწორად არის განთავსებული.

• სინათლე გვერდიდან უნდა მოდიოდეს
• მოერიდეთ ძლიერ ანარეკლს ტილოზე
• ერთი მუდმივი განათება სჯობს ცვალებადს

სწორი განათება და ხარისხიანი მოლბერტი ერთად უკეთეს შედეგს გაძლევთ.

ფუნჯების მოვლის მარტივი რჩევები

ხარისხიანი ფუნჯი დიდხანს რომ გამოგადგეთ, საჭიროა სწორი მოვლა. ეს განსაკუთრებით მნიშვნელოვანია ყოველდღიური ხატვის დროს.

• სამუშაოს დასრულებისთანავე გარეცხეთ ფუნჯი
• არ დატოვოთ ფუნჯი წყალში დიდხანს
• შეინახეთ მშრალ და სუფთა ადგილას

კარგი ინსტრუმენტები და სტაბილური მოლბერტი ხატვის პროცესს ბევრად ამარტივებს.